Verðbólgan er 6,3%

Betri fyrirsögn á fréttinni hefði verið: Verðbólgan mælist 6,3%

Síðustu mælingar á verðbólgunni (vísitölu neysluverðs) eru, þar sem fyrsta talan er fyrir september á síðasta ári og nýjast er fyrir febrúar:

11,4%     29,8%     23,0%     19,9%     7,1%     6,3%

Hér er breyting milli mánaða umreiknuð á ársgrundvöll þannig að talan segir hvað verðlag myndi hækka mikið á einu ári ef breyting milli mánaða yrði jafn mikil í heilt ár. Það gefur ekki góða mynd af þróuninni að taka saman síðustu tólf mánuði eins og gert er í fyrirsögninni og heldur ekki síðustu þrjá mánuði eins og gert er í fréttinni.

Sem sagt, nú er tímabært að lækka stýrivexti mikið

Verðbólga mælist 17,6%

Athugasemdir

[Bjarni Benedikt Gunnarsson, 25.2.2009 kl. 11:35]

Þetta er í raun einfaldlega rangt, verðbólgan núna mælist ekki 17,6% heldur 6,3. Hversu mikið verðlag hefur hækkað síðasta árið segir nákvæmlega ekkert um það hversu hratt verð eru að hækka akkúrat núna.

Svolítið eins og fréttamaðurinn sé að reyna að draga upp svartari mynd en tilefni er til, því þeir hafa alltaf notað mánaðarmælingarnar hingað til, eins og rétt er að gera. Líklega er þetta í fyrsta sinn lengi sem verðbólga miðað við ár aftur í tímann er hærri heldur en mánuð aftur í tímann.

Og eftir því sem ég best veit eru verðbætur reiknaðar út frá mánaðarverðbólgu, þannig að nú fara hætta lánin að hækka jafn rosalega og áður sem eru mjög góð tíðindi.

[Gulli (IP-tala skráð) 25.2.2009 kl. 11:43]

Verðbólga er alltaf mæld á ársgrundvelli - að segja að verðbólgan sé 6,3% er beinlínis rangt og væri hreinlega fölsun.

[Blahh (IP-tala skráð) 25.2.2009 kl. 12:41]

Jamm rétt Gulli, hins vegar segir þetta ákveðna sögu og "trendið" er augljóst.